سؤال بخصوص نوع دهان مش عارفة اسمة

مساء الخير يا باشمهندسين
بصراحة انا مش عارفة اشكركم ازاى على كرمكم فى المنتدى الرائع دة
انتو بتساعدو الكل و بدون اى مصلحة شخصية
و الاهم ان كلكم زوقكم رائع جدااااااا

انا عندى مجموعة من المشاكل فى دهانات شقتى اولها غرفة النوم
خشبها لونة بنى و فية بعض اجزاء بسيطة بالذهبى الفرنساوى
و فوق السرير فى شباك يعنى اكيد هيكون فية ستارة
اخترت ورق حائط لونة ذهبى للحائط فوق السرير هو شكلة حلو
بس المشكلة مش عارفة اختار لون دهانات حلو يظهر جمالة
اخترت السيمون لكن طلع وحش جدا خاصة ان الدرجة طلعت باهتة و كئيبة
و مؤخرا وجت لون على الانترنت عجبنى اوى بس مش عارفة اسم الدهان دة اية
و تكاليفة اية و هل هيكون حلو مع الذهبى و لا لا انا هبعت لحضراتكم الصورة
و ياريت تفيدونى لو كان اللون دة مناسب و اسم الدهان دة اية و تكاليفة اية كمواد خام و مصنعية
و لم مش مناسب يكون اية الافضل
و لكم جزيل الشكر و التقدير

دى صورة الدهان اللى عاجبنى اعذرونى لانها صغيرة
برجاء حفظها و تكبيرها

اختنا الفاضله تحياتى

للاسف الصوره مصغره جدا ولم تظهر نوعيه الدهانات الرجاء رفع الصوره من مركز رفع الصور والملفات بالمنتدى يكون افضل لنفيدك الافاده الازمه

تقبلى تحياتى

م.على
اولا احب اشكرك جدا جدا على سرعة الاستجابة

اخيرا عرفت ارفع الصورة
انا حاولت كتير جدا لكن ماكانتش راضية تترفع
هو دة نوع الدهان دة اللى عاجبنى

الاخت العزيزه حفظكى الله ورعاكى برعايته

شاكرين على الاطراء بالمنتدى واحنا تحت امرك فى ايه مشوره انتى والاخوه الاعضاء

هذه الدهانات عباره عن دهانات الجيلز متعدده الالوان لا يعملها الا شخص محترف فدهانها ياخذ اكثر من يوم كل يوم على حده حتى يتم جفاف اللون الى قبله

حتى لا تتداخل الالوان ببعض بطريقه سيئه سعر المتر يتراوح من 50 الى 75 جنيه نصيحه لكى الا تاتى يايه شخص فلابد يكون مميز فى اعماله

مثل مهندسنا بلقاهره الاستاز احمد سمير تقبلى تحياتى

م. على اشكرك جدا جدا على الرد
بصراحة بحس من ردودك انك فعلا فاهم و محترف
هو سعره غالى شويتين بالنسبالى
خاصة ان دة سعر المتر كمصنعية و لسة المواد الخام
حضرتك تقترح لو حبيت اعمل بلاستيك عادى
ممكن اية اللون المناسب مع ورق الحائط الذهبى
انا عايزة لون يكون راقى و شيك و فخم و رقيق
خشب غرفة النوم بنى مخضر شوية مش مخضر اوى يعنى يعتبر بنى عادى
اية اللون اللى حضرتك تقترحة و لك جزيل الشكر

هو لية مافيش حد بيرد؟

اولا احب اشكر البشمهندس احمد ع مجهوده الواضح مع الاعضاء وبدون مقابل كما اثني علي زوقه في اختيار الالوان والمزديلات بجدبجد فنان وعندي س مهم ي ريت حضرتك تعرفني ايه افضل انواع واسماء شركات الدهن للحوائط والسقف والكرانيش يجهز شقتي ومش عارفه انام مالتفكير عايزاها تتطلع حلوه ومزهزهه بليز ساعدني

nosh كتب:

اولا احب اشكر البشمهندس احمد ع مجهوده الواضح مع الاعضاء وبدون مقابل كما اثني علي زوقه في اختيار الالوان والمزديلات بجدبجد فنان وعندي س مهم ي ريت حضرتك تعرفني ايه افضل انواع واسماء شركات الدهن للحوائط والسقف والكرانيش يجهز شقتي ومش عارفه انام مالتفكير عايزاها تتطلع حلوه ومزهزهه بليز ساعدني

الاخت الغاليه اولا ناسف عن عدم الرد لظروف خارجه عن ارادتنا

ثانيا نتمنى وضع سؤالك فى موضوع وحده حتى نتمكن من الرد عليكى ويستفاد باقى الاخوه الاعضاء تقبلى تحياتى