ساعدوني في اخيار الوان دهان شقتي

سلام عليكم لوسمحت يا باشمهندس احمد محتاجه من حضرتك مساعده ضروري وارجو ان تهتم وترد علي اسئلتي انا عملت سقف معلق في شقتي الجديده بس للاسف طلع وحش اوي وبلدي جدا هو في جزء منقوش وفاصل ساده وبعدين جزء منقوش تاني المهم انا عايزه حضرتك تساعدني في اختيار الوان الدهان للسقف مع العلم ان الريسبشن ضيق شويه يعني بالضبط 22 متر مسطح م19 متر طولي بيت نور و10 متر بيوت ستاره والفرش بتاعي غامق شويه الصالون زيتي وفيه وردتين واحده سكري والتانيه نبيتي والانتريه نبيتي في بيش وعايزه اعرف راي حضرتك لو عملت دهان الريسبشن ابيض يبقي كويس ويديني اتساع ولا لاء واعمل حيطه واحده بس في الريسبشن بلون مختلف واضع علي العمود اللي في الوسط مرايه ده هيحسسني بالاتساع ولا لاء وهيبقي شيك ولا حضرتك عندك افكار تانيه بس ارجوك يا باشمهندس رد عليا علي طول عشان انا مضايقه جدا جدا بعد ماشفت السقف واللي حصل فيه وواثقه ان حضرتك باذن الله هتدلني علي الالوان الملائمه لانك حضرتك ما شاء الله عندك ذوق فني رفيع واسفه علي الاطاله وارجو الاهتمام ولك جزيل الشكر

السلام عليكم اخت نور اولا اسمحيلى اقوم بتوضيح بسيط لحضرتك على ما يتم الرد من المهندس احمد
حضرتك لو دعمتى موضوعك بالصور بيكون افضل كتير حتى يتم رؤيه كرنيش السقف المشغوله الساده ونتمكن من الرد عليكى بلون مناسب ليهاوكذلك صور لاركان الرسيبشن والانتريه اكيد الرؤيه هتكون واضحه وافضل
تقبلى تحياتى وعزائى فى السقف اللى مش عاجب حضرتك

بعد التحية اولا لكى منى كل احترام ثانيا لبد من ارفاق بعض الصور للمكان لة يتم الر د عليكى بالتوضيح الممل فى انتظار بعض الصور للسقف وبالنسبة للمرايات فهو راى صحح انها بتعمل ايحاء بالوسع فى المكان تقبلى تحياتى وفى انتظار الصور

شكرا علي الاهتمام وسيتم ارسال الصور في اقرب وقت

مممكن لو سمحتو تقولولي ابعت الصور ازاي عشان دي اول مره اشترك في منتدي ومجربتش ابعت صور لحد قبل كده والف شكر ليكم ولاهتمامكم