ساعوني في الدهانات

انا عضوه جديده بالمنتدي وبليز عايزه مساعدتكم في اخيار الوان دهانات كرانيش السقف لاني عملت سقف معلق وطلع وحش وبلدي اوي منتظره مساعدتكم والتفاعل معاي

بليز مستنيه ردود منكم ومن باشمهندس احمد

السلام عليكم انا بجد مش عارف ايه حكايه الاسقف اللى بتطلع بلدى ووحشه دى هو مش فيه تصميم المفروض ان حضرتك شوفتيه قبل التنفيذ ولا الفنى ما طلعش كفائه مش عارف المهم ربنا يسترها عليا وعليكم
حضرتك ممكن تتفرجى على مواضيعنا فى الدهانات واعمال الجبس على ما يتم الرد عليكى من المتخصصين وانشاء الله تلاقى المناسب
تقبلى تحياتى

للاسف العامل لم ينفذ المطلوب بشكل صحيح وشغله كان سيء جدا وطبعا احنا نتحمل جزء كبير من الموضوع لاننا وثقنا فيه ومتبعناش معاه اول باول بس هو كان معرفه وعلي ما يبدو مينفعش تثق في حد الايام دي

الاخت الفاضله حفظكى الله ورعاكى برعايته
اتمنى تنزيل صور للسقف المعلق حتى يتثنى لنا الرد على اسئلتك بفائده ولا تقلقى هناك اكثر من حل المهم تنزيل صور للسقف

تقباى تحياتى

لو سمحتم ممكن تقولولي انزل الصور ازاي دي اول مره اشترك في منتدي ومبعتش صور قبل كده وان شاء الله هنزل الصور بكره والف الف شكر علي الاهتمام جزاكم الله خيرا

الاخت الكريمه يمكنك تنزيل الصور من مركز رفع الملفات والصور وتعملى لها كوبى وتنزليها على المربعات اعلى صفحه الكتابه لو وضعتى الماوس تظهر لكى على المربع رقم 7 من اليمين كلمه صوره تدوسى عليها كليك شمال يظهر لكى مربه تضعى فيه الصوره وتعملى كليك شمال على كلمه نعم تنزل الصوره على الصفحه تقبلى تحياتى

الف شكر ليكم مش عارفه اقولكم اي ان شاء الله هنزل الصور النهارده ربنا يبارك فيكم

سلام عليكم لو سمحت ياباشمهندس احمد انا بعت الصور علي ايميل حضرتك لاني معرفتش انزلها بالطريقه اللي قولتو عليها اسفه جدا علي الازعاج وارجو الاهتمام والرد علي وشكراجدا ليكم ربنا يبارك فيكم