مئاعده جزاكم الله كل خير

هل الحجر لازم يتركب فعلا على المحاره؟ يعنى انا هكسر البياض واوصل للمحاره؟ ومين اللى بيركبه بتع السيراميك ولا النقاش ؟ وافضل اماكن اشترى منها فى القاهره؟ واسعاره تقريبا كام؟

اخى الفاضل
يمكنك تركيب الحجر بعد ان تنقر الحائط او خربشه المحاره بصاروخ حتى تتمكن المونه فى الحائط والافضل تكسير المحاره

الصنايعى الى بيركب الحجر هو بناء طوب حرارى وليس النفاش او تبع السيراميك
افضل الاماكن تشترى منها الحجر هيه الفخارين او السيده عائشه
والاسعار تبدا من 75 الى 125 جنيه للمتر حسب الحجر او نوعيته


والسقف الخشب ده انهى عامل ؟ وبيتركب ازاى؟ وممكن اشترى العروق دى منين ؟ واسعارها كام تقريبا؟

الخشب الى بيركبه ممكن نجار الافضل يكون نجار دكورات

طريقه تركيبه عندنا بلاسكندريه بنقول عليها شده فرنساوى

بانسبه لشراء الخشب عندك السبتيه وخلف مدريه الامن بالقاهره

او ايه محل لتجاره الاخشاب حسب المنطقه التى تسكنها

طبعا الناس كانت مركبه نجف انا بقى عايز اغير مكان النجف فهل ده ينفع ولا خطر على السقف ؟ وطابعا عايز اغير الكهربا كلها برضو ده ينفع ولا لا؟


لا يوجد ايه اخطار على السقف طالما الكهرباء معزوله بالطريقه الصحيحه المهم يكون سلك يتحمل تقسيم الاضائه او المكيفات

وارجو اخى الفاضل اكون افدتك وتحت امرك باستفسارات اخرى

تمنياتى لك بالتوفيق

اخى الكريم على اسمحلى اولا اشكرك على الافاده العظيمه دى وانا كفنى ف الموضوع ده ماعنديش كلام اكتر من اللى قولته غير بارك الله فيك

جراك الله الف خير على الرد والله

مهما شكرت حضرتك مش هقدر اوفيك حقك بجد على المساعده العظيمه دى لانى غرقان فى موضوع التشطيبات مش عارف راسى من رجلى نهائى ولان المبلغ اللى معايا مش كتير مقدرش اجيب مكتب ديكورات فانا اللى محتاس

معلش هطمع شويه فى كرم حضرتك واسال سؤال مهم جدا

متوسط اجره البنا كام يعنى هو بيقبض باليوم ولا بالمتر واجرته كام تقريبا؟

اخى الفاضل
البناء ممكن يتفق معاك حسب الكم بتاع الشغل
بمعنى لو كميه امتار ممكن يعمل لك المتر ب 20 جنيه مصنعيه
اما لو العمل فى جنب واحد ممكن يبدا الاتفاق ب 300 جنيه (تعتبر مرمه)هيخلصها فى يوم او سهره
تقبل تحياتى

قاموس ياهندسه دايما انت سباق ونحن من خلفك
مشكور جدا

شكرااا جداا علي كل المعلومات المفيده اللي لقيتها هنا في اجمل منتدي وبين احلي فناااانين
ياجماعه انا بجد بشكركم جدااوطمعانه فيانكم تساعدوني انا بشطب الشقه الايام دي ومحتاسه جدااا في الوان الدهان والسيراميك و الطي او الكرانيشبتاعت السقف بالنسبه للسيراميك انا حابه قوي السيراميك اللي بيبقي واخد شكل الباركيه بس لما رحت لقيت منه البني الغامق والفاتح انا مش عارفه ايه الانسب للريسبشن لان عندي 3 اوض مفتوحين بس المساحه مش كبيره قوي كمان السيراميك اللي قطع مستطيله باركيه برضه ده انسب للغرف الاطفال والنوم ولا للرسبشن وبالنسبه للبلكونه اعملها ايه؟
وياتري السيراميك الاملس افضل ولا الخشن خاصه انيبفضل الخشن المطفي بس خايفه يكون فيه عيوب في الاستخدام بعد كده؟
ياااااريت لو حد يساعدني اكوووون ساااكرة جداا
ويستحمل بقي اسئلتي!!!!

الاخت الفاضله سلام الله عليكى اولا اسمحيلى اشكرك على ثقتك بنا وتواجدك معنا ولكن لى عندك طلب بسيط لو تكرمتى ان تكون اسئلتك فى موضوع مستقل وذلك بفتح موضوع جديد بدلا من رد
والان اختى الكريمه ارد من وجهه نظرى الشخصيه ان الزوء والفن لايقف عند مجموعه اشخاص فلولااختلاف الازواق لبارت السلع حضرتك لازم تشطبى على زوءك لانى ممكن اشوف لون يتعارض مع زوءك انتى ويتفق مع احد اخر يعنى مثلا انا بفضل السيراميك الناعم وحضرتك ذكرتى حبك للخشن والناس سيدتى اذواق

تقبلى تحياتى