انا سجلت هنا عشان خبراء الديكور في المنتدي وبالاخص المهندس احمد سمير....ساعدوني ارجوكم

عضو عدد المساهمات : 4 تاريخ التسجيل : 16/05/2010

السلام عليكم ورحمة الله وبركاته
انا زميله جديدة ليكم هنا في المنتدي من مصر

بصراحه اللي جابني الموقع الرائع ده هو جوجل
ولما شفت المواضيع والاعمال المعروضه ها حسيت اني لازم احي كل الاخوة المجتهدين هنا

وخاصة المهندس احمد صاحب المشروع كله

وانا بصراحه مسجله مخصوص هنا عشان اعمل الموضوع ده واسال المهندس العبقري احمد سمير والبيلي واستاذ عمر وكل الفنانين كام سؤال واتمني انه يجاوبوني عليهم

اول حاجه انا عوزه اعرف الفرق بين السقف الجبس والسقف الجيبسن بورد والسقف اللي بيتعمل بسلك شبك ( الحداد بيعمل الهيكل بتاعه)
لاني بجد والله تهت خاااااااااااااااااااالص ومعنتش عارفه الفرق في المميزات او الاسعار او الشكل وكله عندي دخل في بعضه

وفي صور هنا بتاعة المهندس احمد لقتها وانا بتفرج عوزه اسال هي دي معموله باي نوع من الاسقف
ولو هينفع تتعمل بكله طب مين افضلهم

والسؤال الاهم من ده كله يا بشمهندس احمد .... هل الاسقف دي ممكن تتعمل في اي وقت ولا كان لازم اعملها قبل مدهن الشقه ؟؟؟؟؟

يعني لو انا عندي سقف عادي خالص في نجفه ممكن شكله يتغير يبقي كده
انا مخبيش عليك جبت بتاع جبس وقلي ممكن اعملك شغل كويس اوي واخويا جبلي واحد حداد وقلي هعملك سقف معلق شبك حلو اوي وطبعا مقلكش علي اللي قاله علي بتاع الجبس وشغله و اد ايهالسقف الجبس ضعيف ومش عملي والشبك احسن منه بمراحل وكلام من ده طبعا عشان يكرهني في الراجل بتاع الجبس
بس انا مش عارفه هل لو كانوا اشتغلوا عندي كانوا هيطلعولي حاجات بالشكل ده ولا لاء ..... هما قلولي هنعمل بيت نور وشغل في النص لكن مورنيش صور

وياتري اسعار الاسقف دي بتبقي كام تقريبا ومين اغلاهم هما اللي جبتهم قبل كده قلولي احنا بنحاسب بالمتر والسعر بيختلف من 20 لحد 100 جنيه للمتر علي حسب النوع اللي هيركب والشغل
ياريت تفدوني
معلش انا طولت عليك يا بشمهندس بسبب جهلي .... سامحني بس المنتدي ده بجد وقعلي من السما لاني عمري مشفت مكان كل الموجودين فيه بيتقنوا عملهم بالطريقه دي

يارب مكنش ديقتكم بكلامي الكتير وفي انتظار ردكم

الاخت ياسمينا اسمحيلى اقوم انا بالرد عليكى اولا اشكرك كل الشكر على ثقتك الغاليه بمنتدانا المتواضع واحب اولا اعرفك بنفسى اخوكى فنى فى جميع الديكورات الجبس والاسقف المعلقه اولا ارجوا ترك فكرة السقف المعلق الشبك من حساباتك نظرا لثقل حجمه وتكلفته العاليه فهو يحتوى على شبك وسلك وحديد وبعدين دور مبيض المحارة ومايستعمله من رمل واسمنت وبعدين تركيب الكرانيش على الخوارج وياتى دور الدهانات وانتى فى غنى عن كل هذه التكاليف دعينا الان نقارن بين السقف جبسم بورد والجبس العادى اولا اختى ال2واحد من حيث الشكل الخارجى النهائى ان كان اللى هيشتغله متقن فى عمله فيمكنك عمل اى فتحات او اشكال ورسومات بنفس الخامتين ولكن الفرق يتلخص فى الاتى والفرق ده بيكون الافضل للصنايعى قبل صاحب الشقه اولا الجبسم بورد اخف وزن وسماكه من الجبس العادى واسهل فى التركيب واسرع فى الوقت ولكن تكلفته اعلى ممكن تصل للضعف عن الجبس العادى والجبس العادى بياخد وقته شويه لانه بيمر بمرحله التصنيع اولا ثم التنشيف ثم التركيب ثم التنشيف مرة اخرى حتى مرحله الدهان ولكن سعره اوفر النصف عن الجبسم بورد فانا انصحك اختى ان تبتعدى عن فكرة السقف الشبك وتنظرى اللى المقارنه بين الجبس العادى والجبسم بورد مع العلم ان جميع الاشكال ممكن يتم تنفيذها باى من الخامتين ولكى حريه الاختيار مقارنه بوقت العمل وبفارق الاسعار بينهم

تقبلى خالص تحياتى واعلمى اننا هنا جميعا اسرة واحده ونسعى دائما لخدمه العميل
للاستفسار عن اى شىء يرجى مراجعه الاخ احمد سمير عبر الهاتف او الايميل الموضحين اعلى الصفحه واشكرك جزيلا

عضو عدد المساهمات : 297 تاريخ التسجيل : 07/05/2010

يعطيكم العافية

الاخت العزيزة ياسمين ارجو زيارة منتدى اعمال الجبس مرة اخرى انشاء الله تلاقى الموضوع اللى يناسبك مع العلم انه ممكن مساحه ووضع الشغل عندك يكون محتاج تصميم اخر مش موجود هنا اما بالنسبه للاسعار فالاسعار بترجع للشكل اللى بتختاريه لان الاشكال بتختلف اتمنى اكون ساعدتك فى اختيارك وبالنسبه للاسعار بتراجعى فيها المهندس احمد على الهاتف او الايميل

تقبلى تحياتى هشام البيلى فنى ديكورات جبس واسقف معلقه

عضو عدد المساهمات : 4 تاريخ التسجيل : 16/05/2010

البيلى للديكور كتب:: الاخت العزيزة ياسمين ارجو زيارة منتدى اعمال الجبس مرة اخرى انشاء الله تلاقى الموضوع اللى يناسبك مع العلم انه ممكن مساحه ووضع الشغل عندك يكون محتاج تصميم اخر مش موجود هنا اما بالنسبه للاسعار فالاسعار بترجع للشكل اللى بتختاريه لان الاشكال بتختلف اتمنى اكون ساعدتك فى اختيارك وبالنسبه للاسعار بتراجعى فيها المهندس احمد على الهاتف او الايميل

تقبلى تحياتى هشام البيلى فنى ديكورات جبس واسقف معلقه

انا مش عارفه اشكرك ازاي يا استاذ بيلي .......... حقيقي شكراااااااااا عشان نورتني وشكرا لكل اهل المنتدي الجميل ده وانا فعلا دلوقتي مبعملش حاجه غير اني بشوف المنتدي صورة صورة

بس كان ليه سؤال عند حضرتك .. المرحله اللي الاسقف دي بتتعمل فيها ايه
يعني بعد المحاره علاطول ولا ممكن لو السقف اتدهن بلاستيك ؟؟؟؟
وانا في صورة سقف شفتها عي موقع هرفعها لحضرتك وتقولي دي ممكن تتعمل ولا لاء

[b]

عضو عدد المساهمات : 4 تاريخ التسجيل : 16/05/2010

هو ده السقف اللي انا بقول لحضرتك عليه
وسؤالي هو اللون الاسود اللي جوا ومرسوم عليه سحاب ده معمول ازاي ( دهان بلاستيك ولا ورق حائط) وايه النجوم اللي بتنور دي (لمبات صغننة؟؟)

انا سجلت هنا عشان خبراء الديكور في المنتدي وبالاخص المهندس احمد سمير....ساعدوني ارجوكم 111qub.th

انا سجلت هنا عشان خبراء الديكور في المنتدي وبالاخص المهندس احمد سمير....ساعدوني ارجوكم 111qub.th

yasmin_cat كتب:: هو ده السقف اللي انا بقول لحضرتك عليه
وسؤالي هو اللون الاسود اللي جوا ومرسوم عليه سحاب ده معمول ازاي ( دهان بلاستيك ولا ورق حائط) وايه النجوم اللي بتنور دي (لمبات صغننة؟؟)

اختنا الغاليه بالنسبه لشكل السماء ده عباره عن اللوان زيتيه مطفيه
(غير لامعه)وبالنسبه للنجوم فهى فعلا لمبات معموله بطريقه فنيه لتوحى بشكل النجوم وممكن الاستغناء عنها باضائه مخفيه خفيفه

تقبلى تحياتى واعتزر بلانابه عن المهندس احمد سمير لدواعى سفره خارج القطر المصرى ونتمنى ان نكون افدناكى انا واخى البيلى وانا مع الاخ البيلى فى رايه تقبلى تحياتى مره اخرى

الاخت العزيزة طبعا بيفضل عمل اى شغل بعدالمحارة مباشرة اى قبل مرحله الدهان ولكن لايوجد مانع من تنفيذه بعد الدهان مع الاخذ بالعلم ان السقف سوف يتم اعاده دهان اجزاء منه ان كان لونه ابيض او دهانه كاملا ان كان غير الابيض اما بالنسبه للصورة المرفقه فهى صغيره جدا ولكن بعد التدقيق فيها فانها عبارةعن سقف من مستويين المستوى الاول دائرة بسقوط 15سم من السقف والثانى مستطيل بنزول 15سم من المستوى الاول مع كسر اربع زوايا فيه وعمل اسبوت اناره به على شكل نجوم للعلم يوجد اشكال افضل بكثير من هذا الشكل موجوده فى منتدى عمال الجبس وانتظرى المزيد قريبا باذن الله

عضو عدد المساهمات : 4 تاريخ التسجيل : 16/05/2010

ربنا يخليكم يا جماعه انتوا فعلا ناس محترمة اووووي
وانشاء الله استاذ احمد يرجع عشان اتكلم معاه في الاسعار واعرف تكلفة الحاجات دي

وشكر خاص جداااااااا لاستاذ عمر واستاذ بيلي لسعه صدركم لاسئلتي
وانا معاكم في المنتدي علاطول ومش هطلع منه خااااااااااالص
شكراااااااا

عضو عدد المساهمات : 297 تاريخ التسجيل : 07/05/2010

شكراً أختي ...............

نتمنا لك التوفيق ان شاء الله

انتى تشرفى المنتدى اخت غاليه
تقبلى تحيات اسره المنتدى

اختنا فى الله لا ارى اى كلمات تقال بعد الرد على سوالك شكر خاص لكل ما رد على موضوعك واستفسارك وان شاءنكون افدناكى فى الاستفسار

ملحوظة يمكنك الاتصال بالمهندس هشام البيلى على هذا الرقم 0102072606
لتوصل معة لانى كما قال انا خارج مصر الان وساعود بعد ايام باذن الله

تقبلى تحياتى

وشكر خاص لك يا مهندس على التوضيح الجميل دة بالنسبة لدهان السقف

تقبل تحياتى

الشرف بيكون لينا اخت ياسمين وكل فريق العمل بخدمتك واهلا بيكى فى منتداكى ومنتدانا المتواضع

» طلب من استاذ احمد سمير
» أنا سجلت فى المنتدى لأنى محتاجه مساعده جميع المتتخصصين واعلى رأسهم البشمهندس أحمد سمير
» رساله للمهندس احمد سمير
» للمهندس احمد سمير
» طلب من استاذ احمد سمير