سؤال بخصوص تركيب الاعمده الجبسية

عندى كمره كدا نازله من السقف وعاوز اركب عامودين جبس تحتيها فقاعدة العامود ممكن تتحط على السيراميك مباشرة ولا كدا ممكن تتاثر بالمياه وايه الحل فى الحاله ده

السلام عليكم ورحمه الله اولا وكل عام وانت بالف خير
بالنسبه لسؤالك بخصوص العمدان الجبس فمن الممكن تركيبها على السيراميك مباشرة ولكن طبعا الافضل رفعها من على السيراميك بحوالى 10سم وعمل وزرة سيراميك حول القاعده لحمايتها من الرطوبه وكذلك اى خبط او خدش
تقبل تحياتى

الف شكر اخى البيلى على ردك جزاءاك الله كل خير ..

بس ممكن حضرتك توضح اكثر ازاى ارفع العامود على السيراميك يعنى ابنى طوب مثلا وهل الطوب هيلصق على السيراميك بس ارجوك لو عندك اى اقتراح ياريت تقولوهولى بحيث انى مكسرس فى السيراميك

اخى الكريم الشكر لله
ثانيا حضرتك تقدر ترفع العمود من على السيراميكحوالى 10سم وهى قيمه الطوب ده بيكون عمل الفنى اللى هيركب العمود هو اللى المفروض انه يعمل قاعده بالطوب بارتفاع مدماك واحد ويكون الطول والعرض بيزيد عن طول وعرض قاعده العمود الجبس بحوالى 5سم من جميع الجهات
الطوب بيوضع على السراميك بالاسمنت الاسمر ويغلف بالسيراميك بعد تركيب العمدان













اتمنى اكون قد افدتك قدر المستطاع تقبل تحياتى

فهمة حضرتك اخى العزيز البيلى جزاءاك الله كل خير ...

معلش لى استفسار اخر انا عندى الكمره عرضها 18 سم التاج بتاع العامود فيه منه نفس القطر ده ويحصل حاجه لو طلع بره عن الكمره ولا لازم يكون بعرض الكمره ده بالنسبه للتاج ....

حبيبى طبعا 18سم عرض قليل جدا لان اقل عرض للتاج25سم والله انا بفضل ان التاج يكون على نفس عرض الكمرة او ان الكمرة تزيد شويه عن التاج وللمشكله دى حلول كتيرة اما اذا كنت حابب تختصر الموضوع فيمكنك تركيب التاج وبروزة من الجهتين بنفس القيمه وليس من جهه واحده

تحدثت ووفيت وكفيت اخى العظيم البيلى تقبل تحياتى

والله وجودك بيزيد الصفحه اشراقا ياهندسه اشكرك على ردودك الجميله

اولا اسعدنى مرورك جدا اخى العزيز المهندس على عمر

ثانيا ايه راى حضرتك اخى الكريم البيلى لو شالت فكرة الاعمده ده وحطيت كابولى جبس من الناحيتين وهل هلاقى حاجه بنفس العرض بتاع الكمره ده ولا الاعمده افضل مع بروزها من الناحيتين زى ما حضرتك قولت وانا اسف جدا لازعاج حضرتك ...

الكابولى موجود منه جميع المقاسات والاحجام وبالنسبه للمقاس اللى عندك فيه كابولى ممكن يكون شكله افضل عليه ويمكنك ايضا عمل هذا الشكل ان امكنك




اوممكن تعمل الشكل ده ان كنت محتاج تضيق المساحه عندك بشكل ديكورى




بامرك فى اى استفسار اخر انا موجود

تقبل تحياتى /هشام البيلى

ربنا يخليك الامر لله واحده ...

هى الفكره الاولى حلوه اوى بس فى حاجه انا عندى المسافه من الكمره للارض 2.22 م فمش عارف هتبقى الفكره مناسبه ولالا وهل ممكن الكرفات ده تتعمل بشكل اخف من كدا فايه راى حضرتك ...

اخى الكريم فى الديكورات الجبس ممكن تعمل اى شىء واى تعديل ولكن ده بيرجع للمحتك الفنيه انت او الفنى اللى هينفذ لزم يكون فيه بعد ثالث وتصميم للمكان قبل التنفيذ يعنى انا ممكن اقول انه ينفع تغير ولكن الفنى برؤيته للمساحه يقول ماينفعش راجع الفنى اللى هينفذ الاول وخليه يعملك كروكى للشغل قبل التنفيذ

تقبل تحياتى

فعلا عندك حق اخى العزيز هشام شغل الديكور مينفعش فيه الوصف لازم يكون على الطبيعه الف شكر على تعب حضرتك جزاءاك الله كل خير ..

اخى العزيز هشام كنت عاوز استفسر منك لو حبيت اعمل الارج الاحمر ده يكلفنى كام طبعا بالتركيب ...

وعاوز اعرف كمان سعر العامود جبس بطول 2.22 م يكون فى حدود كام وطبعا بالتركيب انا حاولت اراسل حضرتك على الخاص بس تقريبا حضرتك مشغل خاصية عدم استقبال الرسائل لديك ولك جزيل الشكر...

اخى معتز ماتقدرش تحدد التكلفه الا بعد معرفه المنطقه لان كل مكان بيختلف فيه اسعار الخامات وكذلك الاجور ولكن مبدئيا سعر العمودين اقل تكلفه من االارج الاحمر

يا ريت اخى هشام تفتح خاصية استقبال الرسائل عندك او تكتبلى ايملك ولك جزيل الشكر ..

لديك رساله خاصه يامعتز

كده صح اخى الحبيب هشام فانت تعرف قانون المنتدى ولابد نكون قدوه للجميع تقبلى تحياتى واحتراماتى

ياهندسه احنا بنتقدى بحضرتك فانت خير قدوة لخير منتدى
شكرا للمتابعه الجميله
تقبل تحياتى

على فكره يا استاذ هشام انا بعتلك رساله على الايميل اتمنى تكون وصلت

راجع الرساله الخاصه لديك ياصديقى فلم يصلنى منك اى رسائل