بالله عليكم أرجو الافادة

عضو عدد المساهمات : 15 تاريخ التسجيل : 14/08/2010

[السلام عليكم ورحمة الله وبركاته
أولا انا مشكور ليكم على هذا المنتدى الرائع وعلى مجهودات المهندس احمد سمير
ثانيا اهني الشعب المصري بالانتصار على الظلم والاستبداد واتمنى ان تظل مصر حرة طول العمر
ثالثا
انا بصراحة محتار جدا في دهان شقتي الجديدة
النقاشين عمالين ينصحوني بالبلاستيك وبيقولوا فيه شعر
لكن انا وعن تجربة في الشقة القديمة وعند زملاء اخرين دهنوا بلاستيكات بعد الحاح النقاشين ( بيتغسل - صحي - مش بيغير - وغيره ............)
ما لقيتشي اي حاجة من اللي بيتقال
وعشان كده بفكر ادهن زيت او زي ما بسمع لاكيه وطبعا هم بيقولوا ان الزيت _ اللاكيه _ بيبقع وغير صحي و..............ز بيقولوا حاجات كتير وحشة
بالله عليكم انصحوني هل فعلا الزيت وحش للدرجة دي ولا هم عايزين يدهنو بلاستيك عشان اريح ليهم؟؟؟؟؟؟؟؟؟؟
لاني قريت على النت عشان انه بيتحل بالماء بيفرد معاهم بسرعة وبيريحهم!!!!!
[center][b]

الاخ الكريم حفظك الله ورعاك اولا اشكرك اخى على مقدمتك الرائعه

ثانيا ابلغ رد على سؤالك انى داهن شقتى بدهان زيتى
وثق تماما ان االفنى الذى يقول لك هذا الكلام انه غير فنى وخائف انه ينكشف فى الصنعه (غير محترف) نحن الفنيين نقول عليهم نقاشين مياه
او سائقين روله فقط تقبل تحياتى

عضو عدد المساهمات : 15 تاريخ التسجيل : 14/08/2010

ألف شكر ليك أخي على عمر
والله ارحتني تماما
لكن نصيحتك لي هل فيه انواع من الخامات للزيت معينة استخدمها تنصحني بها؟؟؟؟ زي ما في خامات معينة في البلاستيكات؟؟
وياريت لو عارف اسعار تقريبية ليها
خالص شكري لك وللمنتدى الرائع

عضو عدد المساهمات : 15 تاريخ التسجيل : 14/08/2010

انت فين يا استاذ على؟؟؟
فين ردودك الحلوة؟؟؟؟[b]

اسف اخى كنت مشغول
انصحك بدهان نصف لامع بيكون افضل ونسبته واحد لاكيه الى واحد مط مع اضافه مخفف تفط فرنساوى

واذا حابب دهان يكون مطفى ويقبل معك غسله بيكون كل جالون وتضيف عليه واحد لتر لاكيه عشان يقوى المط
اجود الانواع السانيتون (مط ) سعرها من 40 الى 45 جنيه (الجالون 3 لتر )
السايبس و السينتال (لاكيه) سعرها من 52 الى 55 جنيه (الجالون 3 لتر)

يفوقهم دهانات جوتن ودهانات سكيب (كمبيوتر ) دى اجود الانواع الموجوده بمصر والاكثر تداولا بالسوق
بس انا حاسس انك غير مقيم بمصر لو عندك اخى الكريم اسئله اخرى فنحن تحت امرك وميهمكش

تقبل تحياتى

عضو عدد المساهمات : 15 تاريخ التسجيل : 14/08/2010

والله يا اخ علي انا مش عارف اشكرك ازاي
وربنا يجعله في ميزان حسناتك اللهم آمين
وعلى فكرة انا من المنصورة وعايش في المنصورة لكن سافرت الخارج فترة قليلة احييك على الحاسة السادسة
من الحق انا مش فاهم حاجة لاني مدرس طبعا مش شغلانتي
لكن انا هاخد كلام حضرتك بالنص واقوله للنقاش ولو سألني ولا مفهمشي هرجع أسأل حضرتك
وربنا يخليك
مشكوووووووووووووووووووووووور[b]

عضو عدد المساهمات : 15 تاريخ التسجيل : 14/08/2010

على عمر كتب:: اسف اخى كنت مشغول
انصحك بدهان نصف لامع بيكون افضل ونسبته واحد لاكيه الى واحد مط مع اضافه مخفف تفط فرنساوى

واذا حابب دهان يكون مطفى ويقبل معك غسله بيكون كل جالون وتضيف عليه واحد لتر لاكيه عشان يقوى المط
اجود الانواع السانيتون (مط ) سعرها من 40 الى 45 جنيه (الجالون 3 لتر )
السايبس و السينتال (لاكيه) سعرها من 52 الى 55 جنيه (الجالون 3 لتر)

يفوقهم دهانات جوتن ودهانات سكيب (كمبيوتر ) دى اجود الانواع الموجوده بمصر والاكثر تداولا بالسوق .
بس انا حاسس انك غير مقيم بمصر لو عندك اخى الكريم اسئله اخرى فنحن تحت امرك وميهمكش

تقبل تحياتى

معلشي هتعبك شويه ده كلام حضرتك ( انصحك بدهان نصف لامع بيكون افضل ونسبته واحد لاكيه الى واحد مط مع اضافه مخفف تفط فرنساوى )
يا ترى حضرتك بتفضل ده عن كل اللي انكتب بعد كده؟؟؟؟
يا ترى انا فاهم وجهة نظر حضرتك كده ؟؟
انا بصراحة مش بحب اللامع اوي وكمان مش عايز الدهان مطفي خالص
لكن انا عايز اعرف اغسله
لان الاولاد عندي فظاع انا دهنت الشقة عندي اكتر من مرة بلاستيك طبعا وكل مرة انخدع - لا يلدغ المؤمن من جحر مرتين وانا اتلدغت 3 مرات-
بصراحة انا عشت في السعودية 3 سنوات وقعدت في شقة كان دهانها ما شاء الله اي شئ ممكن تغسله يروح ولا يؤثر في الدهان ولا اكنه رخام

وياريت تكون عرفت وجهة نظري وتقول لي على المناسب من خلال وجهة نظري

آسف للإزعااااااااااااااااااااااااااااج

الاخ الكريم انا اقترحت عليك النصف لامع لانه يقبل الغسيل جيدا ولا يتسخ بسرعه

لعلمك محدش بيعمل دهانات لامعه فى الغرف او الريسبشن الدهانات الامعه تكون باسقف الحمام والمطبخ فقط
كذلك دهانات النجاره بتكون لامعه ايضا ولو تفضلها نصف لامعه مفيش مشكله

كلامى اخى الكريم على ما اعتقد مفهوم مظنش ان النقاش تبعك مش هيفهمه

تقبل تحياتى

مشكور كتير ياهندسه ومش جديد عليك معلوماتك القيمه وافادتك للجميع
بارك الله فيك

عضو عدد المساهمات : 15 تاريخ التسجيل : 14/08/2010

جزاكم الله خيرا على تواصلكم وردودكم أولا بأول
شاكر أفضالكم

» ساعدوني بالله عليكم
» موقع الرسام المبدع احمد رجب احد رسامين مصر الاوئل
» أرجو مساعدتكم
» اعمال دهانات الحجريه
» صور كنبات متصله ومنفصله (مودرن)